Wëllkomm
No laangen Joren Erfarung am ambulanten Beräich vum Lëtzebuerger psycho-medico-sozialen Reseau als Assistante (d’hygiène) sociale an zousätzlechen Formatiounen an Studien hunn ech mech entschloss mech nidderzeloossen a bei mir an der Praxis Leit ze empfänken, déi psycheschen Leidensdrock empfannen oder sech Froen iwwert hiert psychescht Wuelbefannen stellen.
Ech riichten mech u Kanner, Jugendlecher an Erwuessener, u Koppelen a Familljen, fir eng psychologesch Ënnerstëtzung oder eng systemesch Psychotherapie. Niewent der systemescher Grondlag stëtzen ech mech op d’Prinzipien vun der Bindungstheorie.
Fir Leit ze hëllefen, déi ennert de Konsequenzen vun Traumata leiden, bidden ech P.T.R. (strategesch Gespréichstherapie) un, enseignéiert vum IMHEB (Institut Milton H. Erickson, Belgique).
Op dëser Homepage wäert ech meng professionell Carrière beschreiwen an erklären, wéi ech psychotherapeutesch schaffen.
Wann Dir zousätzlech Froen hutt, dann zeckt net mech telefonesch oder per Mail ze kontaktéieren.